የህይወት ጥቁር ጥላ ፤

የሰብአዊነታችን ስውር ወጥመድ

በዚህች ማለቂያ በሌላት ኮስሞስ እና ህይወት በተባለች ሚስጥራዊ ጉዞ ውስጥ የሰው ልጅ ትልቁ ጠላት ከውጪ የሚመጣ አደጋ አይደለም ፤ ከራሱ አዕምሮ ጓዳ የሚፈልቀው “ማማረር” የተባለው ስውር መርዝ እንጂ። ማማረር—የህይወት ጥቁር ጥላ ነው!
​ይህ ጥላ በዙሪያችን ያለውን የብርሃን ነጸብራቅ ጋርዶ፣ የነፍሳችንን እይታ የሚያጨልም ስውር መጋረጃ ነው።

​፩. የጥላው ስውር ተንኮል
​ይህ ጥቁር ጥላ እጅግ አታላይ ነው። በዙሪያችን ያሉትን ፺፱ የህይወት በረከቶችና ተዓምራቶች ሙሉ በሙሉ እንድንዘነጋ ያደርገናል። ሰማዩን፣ ነፃነቱን፣ መተንፈሱንና መኖርን እንደ ተራ ነገር እንድንቆጥር አድርጎ፣ በጎደለችን አንዲት ጠብታ ላይ ብቻ እንድንጋደል ያደርገናል። በጥላው የተሸፈነ ሰው ሁልጊዜ “የሌለውን” እያደነነ፣ “ያለውን” የሚቀብር ምስኪን ይሆናል።

፪. ማማረር ፡ የነፃነታችን ማቅለጫ
​ቅድም የሰው ልጅ ስለ ነፃነት ይሟገታል፤ ነገር ግን እውነተኛው ባርነት ያለው በማማረር ሰንሰለት ውስጥ ነው። ሁኔታዎችን፣ ሰዎችንና አካባቢን ስናማርር፣ የህይወታችንን መሪ ለነዚያ ለምናማርርባቸው ነገሮች አሳልፈን እየሰጠን ነው። የራሳችንን የመለወጥ፣ የመፍጠር እና የመሻገር አቅም አቀልጠን በምሬት አዙሪት ውስጥ እንሰጥማለን።

​፫. ጥላውን ሰብሮ መውጣት
​ይህንን የህይወት ጥቁር ጥላ ማሸነፍ የሚቻለው ግን በጥላቻ ወይም በጩኸት አይደለም—በብርሃን እንጂ ! ያ ብርሃን “የምስጋና እና የንቃት ጥበብ” ይባላል።
​ምስጋና ማለት ስሜታዊ መሆን ማለት አይደለም ፤ ምስጋና ማለት ከጥቁር ጥላው ጀርባ ያለውን ግዙፍ የብርሃን አለም ማየት መቻል ማለት ነው።
​ካለንበት ጎደሎ ተነስተን ሙሉውን ምስል ስናይ ፣ ምሬት ወደ መፍትሄ፣ ጥላውም ወደ ብርሃን ይቀየራል።
​ማጠቃለያ ማሳሰቢያ ፡
“ሰው ሆይ! ህይወትህን በጥቁር ጥላ አትጋርደው። ማማረርን አቁመህ ማየት ስትጀምር፣ አንተ ራስህ የብርሃን ምንጭ መሆንህን ትረዳለህ። የህይወት እውነተኛው ነፃነት የሚጀምረው ካለህበት ሁኔታ ጋር ሰላም ፈጥረህ፣ ወደ ተሻለ ማንነት ለመሻገር የመጀመሪያውን እርምጃ ስትራመድ ብቻ ነው።”

በቴሌግራም ይቀላቀሉን
👇👇👇
https://t.me/danelroza