ባይረዱህም ችግር የለውም ፤

ሕይወት እንደምንፈልገው አትሄድም፤ ሰዎችም እንደምንጠብቃቸው አይሆኑም። በችግር ጊዜ አጠገብህ እንዲቆሙ የምትመኛቸው ሰዎች ብዙ ጊዜ ዝም ይላሉ፤ አንዳንዶች ግን ከርቀት ብቻ ይመለከታሉ። ይህ ነገር ልያስቀይምህ ተፈጥሯዊ ነው፤ ግን ልሰብርህ የምገባ ነገር አይደለም።

ሰዎች ሁሉ የአንተን ጭንቀት ሊሸከሙ አይችሉም። አንዳንዶች ራሳቸው በብዙ ጭንቀት ውስጥ ናቸው፤ ሌሎች ደግሞ መርዳት ምን እንደሚጠይቅ አያውቁም። እነሱን መክሰስ ቀላል ነው፣ ነገር ግን ሕይወትህን ወደ ፊት አያንቀሳቅስም። የሚያንቀሳቅስህ ነገር ራስህን መጠንከር ነው።

ባይረዱህም ችግር የለውም ሲባል፣ ሰዎችን አትፈልግም ማለት አይደለም። ማለቱ ግን ዕድልህን በእጃቸው አታስቀምጥ ማለት ነው። ሕይወትህ በአንተ ውሳኔ፣ በአንተ ጉልበት እና በአንተ ጽናት ይቀየራል። የሰዎች ድጋፍ ተጨማሪ ነው፤ መሠረቱ ግን አንተ ነህ።

ብዙ ጊዜ የማይረዱህ ሰዎች ነገ የሚያከብሩህ ይሆናሉ። ዛሬ ችግር ሲያጋጥምህ የተደበቁ ሰዎች፣ ነገ በራስህ ሲትቆም እና ሲሳካልህ ከፊትህ ይመጣሉ። ይህ የሕይወት መንገድ ነው፤ አትደነቅ፣ አትቈጣ።

በዚህ መንገድ ላይ የሚያስፈልገው ነገር ትዕግስት ነው ፣ ጽናት ነው ፣ እምነት ነው። ራስህን በየቀኑ አንድ እርምጃ እንኳ ቢሆን ወደ ፊት አንቀሳቅስ። ትንሽ ዕድገት እንኳ ቢሆን ከመቆም ይሻላል።

ስለዚህ ባይረዱህም ችግር የለውም።

አንተ ራስህን ካልተውክ ማንም ሊያቆምህ አይችልም። ጊዜ፣ ጉልበትህን እና ትጋትህን ተደግፈህ ቀጥል፤ መጨረሻው የአንተ ይሆናል።

ይቀላቀሉ ለቴሌግራም
👇👇👇
http://t.me/danelroza
ለፌስቡክ 
👇👇👇
http://fb.com/danelroza
ለሊንክደን ፡
👇👇👇
linkedin.com/in/danelrozlroza